Kryetari i Grupit Parlamentar të Lëvizjes Socialiste për Integrim, Petrit Vasili ka vizituar në mesnatë të plagosurit nga shpërthimi i ndodhur në Beragozht të Pogradec, të shtruar në ambientet e Qendrës Spitalore Universitare “Nënë Tereza”.
Pasi është njohur nga afër me gjendjen shëndetësore të rreth 30 personave të shtruar në këtë spital për shkak të lëndimeve të marra, 6 prej të cilëve paraqiten në gjendje më të rëndë, Vasili është shprehur se mjekët po bëjnë një punë shumë të mirë për trajtimin e duhur dhe në kohë, teksa u ka uruar shërim të shpejtë.
“U urojmë shërim të shpejtë të lënduarve nga kjo ngjarje e rëndës. Situata është në ndjekjen e mjekëve, të cilët po u bëjnë trajtim profesional e të shpejtë pacientëve. Të lënduarit po marrin një trajtim të plotë terapeutik e kirurgjikal. Stafi i QSUT-së është në gatishmërinë e duhur”, – tha Petrit Vasili.