“Ish-kryetari i LSI, Ilir Meta, deri në marrjen e detyrës në datën 24 korrik, do të jetë në një tur falenderimi për të gjithë anëtarët dhe simpatizantët e Lëvizjes Socialiste për Integrim në të gjithë vendin“, tha Vasili.
Duke iu referuar situatës politike dhe negociatave mes Ramës dhe Bashës, Vasili tha se varianti i PPE ka qenë një ofertë realiste për zgjidhjen e ngërçit. Ai theksoi se në takimin e djeshëm Basha-Rama, LSI nuk ka qenë e përfaqësuar.
“Kjo situatë kërkon maturi dhe largpamësi për të kuptuar efektet për të ardhmen e vendit. Ne kemi inkurajuar dhe kemi qenë në dispozicion të çdo zgjidhje. Në funksion të kësaj zgjidhje ne kemi vënë të gjitha postet tona të përfaqësimit politik. LSI nuk ka qenë e pranishme në negociatat e djeshme mes Ramës dhe Bashës. Variati i PPE në vlerësimin tonë ka qenë një variant realist me hapësira për zgjidhjen e krizës politike, duke i dhënë garanci PD-së. Stabiliteti i vendit, zgjedhjet e lira e të ndershme, kërkon dhe do të kërkojë sakrificë”, theksoi Vasili.
ma.me
