Gazetarja Sonila Meço dha aktori Laert Vasili kanë debatuar në emisionin “360 Gradë” në RTV Ora.
Vasili është irriturar për daljen e opozitës në rrugë, ndërsa iu drejtua me tone të ashpra Meços, e cila i tha që mos ti hakërrehej asaj sepse nuk i kishte dhënë as votë dhe as po e mbante me punë në Teatër.
Pjesë nga biseda në studio:
Vasili: Nuk më intereson destabilizimi i shoqërisë shqiptare. Mua më intereson vetëm populli shqiptar të ketë mirëqenie ekonomike të ketë kokën e qetë dhe të mos shkojë në shtëpi dhe të mendojë që do më bjerë telefoni, do më kapi njeri prej xhakete të më nxjerrë në demostratë mua. Pse duhet nxjerrë në demostratë populli. Për të ikur një qeveri dhe për të ardhur një qeveri tjetër.
Meço: Mos mu hakërre mua sepse nuk më ke dhënë as votë e as të mbaj me punë në Teatër Kombëtar.
Vasili: Nuk përfaqësohet politika rrugëve, përfaqësohet në Kuvend. Ta ka vendosur populli atje.
