Petrit Vasili thotë se LSI dhe PD janë bashkë vetëm prej halleve që kanë shqiptarët. Kreu i grupit parlamentar të Lëvizjes Socialiste për Integrim tregon se në protestën e 27 janarit do ta gjejë veten çdo familje duke shtuar se qeverisja “Rama” këtë mandat po torturon qytetarët.
Ai ka folur sot në studion e News24 për gjendjen në vend ku tha se kjo protestës nuk është si të tjerat të zhvilluara më parë.
“Protesta është një veprim politiko shoqëror madhor. Nuk është si çdo protestë e zhvilluar më parë. Ndodh në një moment shumë delikat për të ardhmen e vendit. Vendi ndodhet një moment tensioni shoqëror.
Kemi rastin e protestës së naftëtarëve, protestën e transportit, vrasje e krime në mënyrë të përditshme, ka një shtet të bllokuar që nuk iu jep zgjidhje problemeve, taksa që rriten në mënyrë të vazhdueshme. Një politikë falimentuese për të varfrit dhe priviligjim për të oligarkët.
Kësaj i është shtuar edhe bllokimi i qëllimshëm i reformës në drejtësi nga kryeministrit. Sabotim i qëllimshëm, i studiuar, i mirëmenduar.
Kësaj qeverie i intereson të mos ketë kontroll europian që këto fenomene shumë të rëndë janë të gjitha ato që formësojnë një qëndrim të madh shoqëror dhe politik.
Është fillimi i një reagimi pa frikë për të kthyer normalitetin. Janë motive shumë të forta e të vlefshme, ku çdo familje shqiptare e gjen veten në 27 janar.
Ai tha se kjo protestë është madhore pasië jemi përpara një mjerimi që s’ka përgjigje por indiferencë. “Këtë indiferencë e tregoi e sotmja, kur kryeministrit bisedonte virtualisht me një kategori shumë të sakrifikuar, pra nuk kishte vend në zyrën e tij për këta njerëz që janë robtuar për bukën e gojës.
Kryeministri është takuar, ka folur nga afër me shoqatat e riciklimit të plehrave por nuk kishte mundësi për naftëtarët. Një nga shembujt më të shëmtuar të përbuzjes së kryeministrit ndaj njerëzve të varfër.
Gjëja kryesore për të cilën jemi së bashku është një hall i madh që i ka zënë shqiptarët. Qindra mijëra shqiptarë ndodhen në një varfëri të frikshme.
VOA 2 ditë më parë bëri publik një lajm ku thoshte se pritet një tjetër valë largimesh masive nga Shqipëria. Kjo ndodh vetëm për shkak të varfërisë dhe pasigurisë. Një vend që po shkretohet vetëm se ka një qeveri të pandjeshme, në kufijtë e mizorisë.
Raport shumë pozitiv. Ne kemi pasur edhe një komunikim tjetër para një jave me të gjithë ambasadorët. Kryemadhi ka pasur një vizitë të shkëlqyer në SHBA, ka komunikim edhe në BE”, u shpreh Vasili.
