Kreu i grupit parlamentar i Lëvizjes Socialiste për Integrim, Petrit Vasili në një deklaratë për mediat pas mbledhjes së konferencës së kryetarëve, tha se LSI është pjesë e skuadrës qeveritare dhe se kur kryeministri do të ketë nevojë për ndryshime në qeveri do të ketë gjithë mbështetjen e kësaj force politike.
Duke iu referuar deklaratës së bërë pak ditë më parë nga kreu i LSI, Ilir Meta se qeveria ka nevojë për impulse të reja, Vasili theksoi se LSI është e interesuar që performanca e qeverisë të jetë e duhura, por shtoi se është Rama ai që vendos për ndryshimet në qeveri.
Vasili e ka cilësuar rutinor takimin e djeshëm mes kryeministrit Edi Rama dhe kryeparlamentarit Ilir Meta, ndërsa vlerësoi punën e qeverisë së majtë, e cila sipas tij ka treguar se nuk është stepur të realizimin e reformave të rëndësishme.
