Ministri i Jashtëm Bushati i është përgjigjur Vasilit duke i kujtuar se kur ishit në qeveri më PS ishit dakord, madje ai theksoi se 4 ministra që sot nuk janë pjesë e kabinetit qeveritar kanë firmosur pro këtij ligji dhe sot vijnë këtu dhe kërkojnë që të luajnë me këtë cështje.
“Vasili kur ishte pjesë e kabinetit nuk kishte asnjë shqetësim për ligjin që ndodhet sot në Kuvend. Por kur ndryshon nga njëra anë e tavolinë në tjetrën ndryshon edhe qëndrimet.
Konventa Kuadër nuk është shkelur. U tha që ligji është anti-kushtetues, ajo flet për termin pakicë kombëtare. U fol për zona minoritare, nuk ka koncepte të tilla, janë koncepte hoxhiste. Akademia e Shkencave është shprehur për këtë projekt.
4 ministra që sot nuk janë pjesë e kabinetit qeveritar kanë firmosur pro këtij ligji dhe sot vijnë këtu dhe kërkojnë që të luajnë me këtë cështje. Tani na thuhet mos e miratojmë sot, cila është alternativa? 2 vite në qeveri jemi dakord, tak bëjmë daci bau dhe themi po e bëjmë Shqipërinë multi-etnike. Të vish këtu të lexosh broçkulla dhe të lexosh letra letërsie të dalë boje. Të vish dhe të kesh fobi ndaj pakicave..” deklaroi ai.
***
Kryetari i grupit të LSI, Petrit Vasili kërkon që ligji për pakicat të mos votohet sot, pasi është në shkelje. Ai e cilësoi ligjin si konformizëm servil dhe shenjë e injorancës shtetërore.
“Seanca e djeshme mori një rrugë të gabuar. Tensionet e djeshme duhet të shmangeshin. Ligji i pakicave për nga mënyra si është përgatitur nuk është për t’u miratuar sot, pasi është në shkelje të Kushtetutës dhe Konventave Kuadër Ndërkombëtare.
Projektligji nuk as koherencë dhe as standarde bashkëkohore. Ky është konformizëm servil, shenjë e injorancës shtetërore. Ky është provokim ndaj shqiptarëve, pasi po mblidhen pakica. Duhet ta përpunojmë projektligjin, duhet të ketë debat publik për të pasur në ligj sipas standardeve dhe atë traditë të shtetit shqiptar” deklaroi ai.
***
Kuvendi është mbledhur sot në seancë plenare.
Kështu, pas situatës së krijuar mbrëmjen e djeshme pas vendimit për përjashtimin nga seanca të deputetit demokrat, Flamur Noka, Kryetari i Kuvendit, Gramoz Ruçi shtyhu punimet për sot. Siç u bë me dije edhe mbrëmë, seanca nisi në orën 08:30, me të njëjtin rend dite.
Ndërkohë, i pari që ka mbajtur fjalën nga foltorja ka qenë deputeti i LSI, Shezai Rrokaj.
Këtij të fundit iu ndërpre fjala ditën e djeshme për shkak të përplasjes së Flamur Nokës më Gramoz Ruçin.
Në fillim të seancës, deputetët kanë mbajtur edhe një minutë heshtje për ndarjen e parakohëshme nga jeta të Dritan Priftit. Homazhet për Priftin pritet të zhvillohen sot paradite në ambientet e Muzeut Historik Kombëtar.
/b.d
VIJON…
