Nënkryetari i LSI, Petrit Vasili në një deklaratë për shtyp ka mbrojtur nismën e partneritetit publik-privat të qeverisë.
“Nismat e partneritetit publik-privat janë të përshëndetura, ato krijojnë mundësi për investime dhe përmirësojnë cilësinë e shërbimeve ndaj qytetarëve”, ka thënë Vasili.
Sipas tij, janë mekanizmat përkatës, të mbështetur nga ligjet e miratuara, që garantojnë transparencën e konçesioneve.
“Konçesionet nuk bëhen me paratë e asnjë partie, por me paratë e qytetarëve, ndaj duhet të jenë të dobishme dhe afatgjata”, ka thënë Vasili.
Ai ka shtuar se, aktorët e përcaktuar me ligj për realizimin dhe mbikëqyrjen e këtyre konçesioneve janë Ministria e Financave dhe Avokatura e Shtetit.
“Qytetarët të jenë të qetë sepse çdo gjë që është bërë është bërë në të mirë të tyre”, ka shtuar Vasili.
TCH