Vasili: “Sigurisht, kërkesa për qeveri teknike, është një kërkesë maksimaliste. Ideja ka qenë se meqë kemi probleme të mëdha siç kemi problemet e drejtësisë, të kthehet opozita sa më parë me frymë mirëkuptimi në Parlament. Duam s’duam, kemi ca çështje të mbetura pezull që na lidhin me opozitën. Kjo kërkon një politikë kompromisi. A kemi detyrë si mazhorancë?
Kemi detyrë relativisht edhe më të vështirë, pasi mazhorancat kanë pushtet në dorë, sigurisht ka edhe detyra në raste të caktuara, kompromiseve të arsyeshme, që të tregojë tolerancë maksimale. Dhe kësaj tolerance nuk duhet t’i shmangemi sa të kemi mundësi. Të hulumtojmë çdo rrugë për të arritur tek kompromisi, duke përjashtuar ekstremizmat, ngado që të vijnë”.
Deklaraten Vasili e ka bere ne emisionin “Arena” te Dritan Hilës në “Ora News”, ku i pyetur edhe nëse ka ardhur tashmë moment që Ilir Meta të plotësojë ambicjen e tij për kryeministër, Vasili u shpreh se në këto momente fokusi i LSI është që vendi të hyj në zgjedhje.
Kryefjala e diskutimeve ka ishte pa dyshim reforma në drejtës, një reformë që në vlerësimin e ministrit Vasili ka përball një ngërç edhe më serioz se ai politik
Vasili: “Është e vërtetë që flitet për lojëra politike. Ka një problem. Legjislacioni i miratuar krijoi edhe një problem të ri. Kushtet dhe puritanizmi ekstrem ka bërë që edhe kur procesi politik të mos jetë pengesë, ne nuk kemi kandidatë edhe për Këshillin e Lartë Gjyqësor edhe për Këshillin e Lartë të Prokurorisë.
Procesi është i hapur dhe nuk ka numër kandidatësh. Ka pasur disa kërkesa për ta rihapur procesin, që edhe ky është shumë i ndërlikuar. Ne po përballemi me një problem të ri. Në këtë moment nuk ka rol politika, por kandidatët. Nga të gjitha trupat që konkurruan, në të gjitha kishim kandidat më pak se sa vendet në dispozicion“.
Z.Vasili ka hedhur poshtë akuzat se LSI po e bllokon me mekanizma të brendshëm reformën në drejtësi, duke thënë se ishte vota e LSI që e çoi përpara këtë reformë në Komisionin e Posaçëm.
Vasili: “Këto figuracione nuk kanë të bëjnë me politikën. Me shtetin kanë të bëjnë 84 vota, kur nuk bëhen pa LSI, tërë ata që janë tromaksur nga trutë e kokës që thonë jo LSI e do, nuk e do, do të thotë që nuk janë mirë nga mendja. 84 vota bëhen me LSI”.
Për sa i përket procesit të Vettingut ,Vasili thotë se LSI ka qenë gjithmonë luajale në veprimet e saj, ndryshe nga partitë e tjera
Vasili: “Përtej faktorit ndërkombëtar me të cilin po shkonim drejt një votimi të njëanshëm, LSI pa dinakëri por shumë sinqeritet bëri shërbim konsensualiteti. Nëse ka njeri që e bezdis luajaliteti i LSI është problem i tij, ky nuk ishte investim për LSI, ky ishte investim për Shqipërinë. Nuk fitonte asgjë LSI nga kjo, ka qenë qëndrim i ndershëm. Sesi kanë luajtur partitë e tjera taktikisht për të bllokuar njëri-tjetrin apo kapur sistemin, ne kemi qenë jashtë kësaj gjëje”.
ma.me
