Prej disa ditësh tashmë, Kryeministri Rama ka deklaruar në mitingjet e tij elektorale se krisja mes koalicionit qeverisës erdhi si shkak i refuzimit të Lëvizjes Socialiste për Integrim, në votimin e reformës në drejtësi.
Këtë të martë, Kreu I LSI-së Petrit Vasili i ka kthyer përgjigje Edi Ramës. Vasili e ka quajtur kryeministrin një kryemashtrues, duke shtuar se Rama ka dashur t’ja japë reformën në drejtësi me koncension kriminelëve.
“Kemi dashur reformën në drejtësi që e votojnë 140 deputetë, kurse ky sic dha me koncension të gjithë shtetin, gjobiti kush i doli përpara, gjobiti edhe vetë me reklamë, donte të jepte me koncension edhe drejtësinë. Jo dhe Jo.
Drejtësia është e popullit nuk është e kryemashtruesit. Këtë përgjigje më mirë se unë do tja japë cdo shqiptar më 25 qershor. Ka ikur koha e satrapëve”-tha Vasili./a.m.
