Nënkryetari i LSI, Petrit Vasili, komentoi deklaratën e kryeministrit Edi Rama, i cili tha dy netë më parë në emisionin “Real Story”, në News24, se e vetmja luftë që ka pasur me Ilir Metën, ka qenë në zgjedhje, kur sipas tij, i ka treguar vendin kur i kërkonte votën për mandatin e dytë.
Por, duke folur në një lidhje me “Skype” në “Real Story”, Vasili tha se kjo është një nga gënjeshtrat pa kripë të Edi Ramës, dhe se do ta vërtetojë kur të mos merret më me politikë.
“Është një nga gënjeshtrat e shumta të Ramës, kam shumë materiale. Kur të mos merrem më me politikë, kur të hap dosjet, do të thotë që kjo është një nga ato gënjeshtrat më me pa kripë”, tha Vasili. /e.s/
