Vasili e kthen Komisionin e Shëndetësisë në Komisionin “Xhafaj”, PS: Plan për puç si në ’98-ën

Edhe kjo e martë është shfrytëzuar nga deputetët e opozitës për të trajtuar vetëm çështjen e audio-përgjimit për vëllain e Ministrit të Brendshëm.

Në Komisionin Komisionin e Shëndetësisë janë zhvilluar debate të ashpra mes përfaqësuesve të mazhorancës dhe opozitës.

Deputeti i PD Aldo Bumçi fjalën e tij e shfrytëzoi për të akuzuar kryeministrn dhe mazhorancën lidhur me çështjen e Agron Xhafajt por edhe me problemin e drogës në përgjithësi.

Teksa ai fliste pafund jashtë rendit të ditës, kryetari i komisionit Petrit Vasili nuk i ndërpriste fjalën.

Deputetja e PS Elisa Spiropali kërkoi t’i jepet fund siç tha ajo “këtij teatri shëtitës në komisione nga opozoita”.

Deputetët e opozitës akuzuan Vasilin “se ka marrë peng” komisionin.

Pjesë nga debati:
Mima: Pasura e vëllezërve Xhafaj duhet të ishte në hetim. Fatmir Xhafaj sot duhet të ishte i dorëhequr dhe Agron Xhafaj duhet të ishte arrestuar. Opozita ka faktuar përfshirjen e Agron Xhafajt në trafik droge.

Spiropali: Këtu diskutohen çështjen e shëndetësie dhe jo audiot e bodrumit tuaj. Ne kemi durimin të presim përgjigjen e Prokurorisë sa i përket akuzave tuaja.

Mima: Të presim 3 vite si për Tahirin…

Shehu: Keni dy ministra njëri pas tjetrit të implikuar. Kjo është e turpshme.

Spiropali: Ju keni bërë puc, jo si në 1998 me armë por është i stisur. Ju nuk duhet të bëheni pengesa e Shqipërisë për anëtarësimin. Nuk ishte parë që opozita të merrej me sajesa në këto vite. Mos sulmoni Prokuroren dhe ministrinë.

Vasili: Përgjigjen për përgjimin e dha Rama.

Bumci: Për shkak të drogës sot është goditur ekonomia dhe biznesi. Paratë në Shqipëri vijnë nga paratë e drogës.

Spiropali: Po merrni peng komisionin.

/a.m.