Varianti i ri Omicron ka mbërritur edhe në Shqipëri. Lajmin e ka bërë të ditur Drejtoresha e ISHP, Eugena Tomini, e cila tha se jane konfirmuar dy raste.
“Nga ISHP pas dërgimit të mostrave në mënyrë sistematike të mostrave, kanë konfirmuar dy raste të omicron në totalin e mostrave të dërguar kundrejt sekeuencimit genomik. Në bazë të hetimit epidemiologjik dhe dyshimit të ekspertëve, u konfirmuan edhe me diagnozën laboratorike”, tha Tomini.
“Siç jeni në dijeni prej disa javësh në botë po qarkullon virusi Omicron, variant tjetër i virusit Sars Cov-2.Komiteti bën me dije se është konfirmuar dyshimi i specialistëve për praninë e variantit Omicron edhe në Shqipëri me përgjigjen e ardhur nga laboratori i referencës në Shqipëri”, tha zv/ministrja e shëndetësisë, Mira Rakacolli.
Megjithatë ajo shtoi se në Shqipëri vijon të mbizotërojë varianti Delta.
g.kosovari
