E Ngarkuara me Punë e Shteteve të Bashkuara në Shqipëri, Nancy VanHorn, u takua me Kryetarin e Kuvendit, Niko Peleshi, të martën, raporton A2 CNN.
Sipas një njoftimi të shkurtër në rrjetet sociale, takimi u bë për të diskutuar mbi përparësitë e Kuvendit dhe fushat kyçe me interes për Administratën Trump, duke përfshirë rritjen e shpenzimeve për mbrojtjen dhe forcimin e mekanizmave të kontrollit të investimeve, me qëllim forcimin e sigurisë dhe mirëqenies për Shtetet e Bashkuara dhe Aleatët e saj.
“Presim me kënaqësi të bashkëpunojmë me Kuvendin për këto objektiva të përbashkëta”, thuhet në njoftim.
