Van Gaal: Nuk kuptoj asgjë kur flet Rooney
Trajneri i Manchester Unitedit, Louis van Gaal, ka pranuar se e ka të vështirë ta kuptojë Wayne Rooneyn kur ai flet diçka. Van Gaal ka lavdëruar 29-vjeçarin duke e quajtur si një prej pesë lojtarëve më të mirë që ka menaxhuar, por kur është pyetur për anglishten e tij nga një televizion holandez, ai ka deklaruar se ka shumë probleme të kuptojë theksin e kapitenit.
“Kur unë flas, unë flas rrjedhshëm”, ka thënë Val Gaal për “RTL4”. “Nëse e vendosni Wayne Rooney-n në këtë karrige dhe ju nisni të bisedoni me të, a mendoni se njerëzit do ta kuptojnë atë? Ju thjesht nuk mund të kuptoni çfarë ai thotë”.
