Valverde thotë se duhet të gjendet një mënyrë për të luajtur pa Messin.Barcelona do të ndeshet me Interin në fazën e grupeve të Ligës së Kampionëve.
Tri javë pa Lionel Messin duken shumë të gjata për Barcelonën, e cila në këtë periudhë do të ketë disa ndeshje shumë të rëndësishme, duke nisur nga dy përballjet me Interin në Ligën e Kampionëve si dhe El Clasico ndaj Real Madridit të dielën.
Trajneri Ernesto Valverde theksoi se një lojtar si Lionel Messi është i pazëvendësueshëm, por ai ka kërkuar nga lojtarët e tij që të mundohen ta bëjnë të mos ndihet mungesa e argjentinasit në lojë.“Duhet të gjejmë një mënyrë për të luajtur pa Messin”, ka thënë Valverde për gazetarët, shkruan ksp.
“Do të na mungojë shumë, por shpresoj që mungesën e tij ta ndiejmë kur jemi duke fituar”.“Nuk duhet që gjithë peshën e Messit t’ia hedhim vetëm një lojtari, por duhet të bëhemi të gjitha bashkë.
Messi është lojtar unik dhe unë besoj se kemi futbollistë që do të hyjnë në fushë për të mbuluar zbrazëtirën që lë mungesa e tij”, ka theksuar trajneri i Barcelonës.Barça dhe Interi kanë nga gjashtë pikë pas dy ndeshjeve në Grupin B, përgatiti Express. (b.an)
