Seanca e Kuvendit ka nisur me diskutimet për situatën ndaj koronavirusit në vend. I pari që foli ishte deputeti i opozitës së re Halit Valteri.
Ai kërkoi rritjen e numrit të testimeve për të parandaluar përhapjen e COVID-it. Sipas tij shqiptarët nuk po i vret vetëm COVID, por pakujdesia dhe frika.
“Duke parë situatën tejet të rënduar të COVID-it dhe shtimin e rasteve në spitale, do ju lutesha si drejtues i këtij parlamenti, të bëjmë ligj, VKM apo ctë jetë, sa më shumë testime, të bëhen një mijë apo 2 mijë testime në ditë. Shqiptarët nuk po i vret vetëm COVID, por pakujdesia dhe frika. Zoti Balla ti bëjë një kërkesë qeverisë që të bëjë 2-3 testime në ditë” tha ai.
Ndërkohë kryetari i Kuvendit Gramoz Ruçi u kërkoi deputetëve në sallë në fillim të seancës që të vendosin maskën mbrojtëse. “Ne duhet të jemi të parët për zbatimin e masave dhe nuk ka vend për të neglizhuar ne të parët dhe për të kërkuar nga zgjedhësit se kjo betejë fitohet. Kush është pa maskë në sallë të vendosë maskën, kjo është e para. Këtë e bën e gjithë bota, gjithë protokolli dhe parlamentet e botës. Edhe krerët e shteteve më të fuqishme takohen dhe diskutojnë online” tha ai, teksa dje qeveria e vendosi që të jetë me detyrim në ambientet e mbyllura.
Por i menjëhershëm ishte edhe reagimi i deputetit Korab Lita u shpreh se “Është e kotë të bëjmë mbledhjet online, kur deputetët po rrinë grumbuj në kafe“.
g.kosovari
