Kryebashkiaku i ri i Shkodrës i është përgjigjur sot akuzave të selisë blu, se ai ka qenë i ndaluar në Itali.
Valdrin Pjetri thotë se në vendin fqinj ka qenë disa herë pas vitit 2002, kohë kjo kur PD pretendon se ai i ka shmangur vajtje-ardhjet.
Sipas Pjetrit, akuzat ngjajnë me një gjyq publik dhe janë të pambështetura në prova. Ai shprehet se sistemi TIMS i vërteton edhe lëvizjet e tij.
“Unë jam i gatshëm për çdo verifikim të mundshëm. Nuk kam qenë kurrë i ndaluar apo arrestuar në Itali. Asgjë nuk na ndal drejt Bashkisë së Shkodrës” – tha ai ditën e premte.
Partia Demokratike i është drejtuar Prokurorisë për të vërtetuar nëse ndaj Pjetrit ka pasur ndonjë masë ndalimi.
/JavaNews/a.r
