Më shumë se 100 mjekë kanë ndërruar jetën në Itali teksa kanë qenë duke luftuar në vijën e parë me Covid-19 gjatë valës së dytë të virusit vdekjeprurës.
Sipas raportit të Institutit të Shëndetit Publik italian, janë më shumë se 100 mjekët që kanë ndërruar jetë për shkak të COVID-19, vetëm në valën e dytë të tij, të filluar në vjeshtën e kaluar. Numri total i personelit mjekësor italian që ka sakrifikuar jetën shkon në 279.
Ndërkohë, gjatë 24 orëve të fundit numri i rasteve të reja ka një përgjysmim nga dita e mëparshme, 11831 nga më shumë se 22 mijë të 24 orëve më parë. Por, numri i tamponëve është pothuajse i përgjysmuar, diçka që reflektohet tek fakti që në kundërshtim nga rastet, raporti testime/raste pozitive është në rritje, nga 14.1% në 17.6%.
