Dhjetra diplomatë amerikanë dhe familjet e tyre u larguan nga ambasada e Uashingtonit në Moskë sot.
Tre autobusë u panë të largoheshin nga kompleksi i ambasadës amerikane në drejtim të aeroportit. Sot ishte afati i fundit i caktuar nga Moska për largimin e diplomatëve.
Një stuhi dëbimesh diplomatike pasoi helmimin me 4 mars të Sergei Skripalit dhe vajzës së tij, akt për cilin Britania thotë se u krye me një agjent nevor ushtarak të zhvilluar nga ish Bashkimi Sovjetik.
Ish agjenti i dyfishtë, i cili dezertoi në Britani, dhe vajza e tij Yulia u gjetën pa ndjenja në një park në qytetin Salisbury. Londra tha se ka “gjasa të shumta” që Moska ishte pas përpjekjeve për vrasjet, një akuzë që Kremlini e mohon.
Ngjarja shkaktoi tendosje të ndjeshme të marrëdhënieve mes Rusisë dhe Perëndimit. Më shumë se 150 diplomatë rusë u dëbuan nga Shtetet e Bashkuara, vendet e Bashkimit Evropian dhe ato në NATO si dhe vende të tjera si ndëshkim ndaj Kremlinit. Rusia u kundërpërgjigj me të njejtat masa dëbimi.
a.ç
