Vaksinat në 20 vitet e fundit kanë shpëtuar 37 milionë jetë. Ka qenë mjaft i rëndësishëm imunizimi kundër 10 sëmundjeve të rënda, përfshire këtu atë për linë e dhenve apo Hepatitin, në rreth 100 vende më të ardhura të ulëta e të mesme, thuhet në një studim të publikuar në revistën shkencore prestigjoze The Lancet.
Sipas ekspertëve, deri në vititn 2030 ky numër mund të dyfishohet, dhe vaksinat në vendet e varfra do të mund të reduktojnë 72% mortalitetin e të lindurve në vitin 2019, përgjatë gjithë jetës së tyre. Gjithashtu mendohet se imunizimi do të parandalojë 120 milionë humbje jete në brezin e gjithë të lindurve deri në vitin 2030.
Një ndër autoret e studimit, Kathy Gaythorpe thekson se shtrirja e mbulimit me vaksina për imunizim të popullsisë është thelbësore për të shpëtuar jetë. Sipas saj edhe fushatat vaksinuese kundër disa formave të pneumonisë kanë rezultuar mjaft efikase dhe nëse shtrihen në vendet e varfra mund të shpetojnë shumë jetë, veçanërisht në fëmijët nën 5 vjeç.
/a.r
