Në gjithë Kosovën gjatë së shtunës janë vaksinuar mbi 1 mijë persona në të gjitha qendrat e vaksinimit.
Në sallën “1 Tetori”, në Prishtinë vaksinën e kanë marrë 100 persona mbi moshën 65 vjeçare. Këtë e konfirmoi për Ekonomia Online, Niman Bardhi, koordinator i kësaj qendre.
“100 persona janë vaksinuar në Sallën ‘1 Tetori’, ndërsa në nivel vendi mbi 1 mijë persona kanë marrë vaksinën anti-Covid, Ndërsa mbi 63 mijë janë dhënë vaksina që nga fillimi”, tha Bardhi.
Këtë kontingjent të vaksinave, Kosova e ka siguruar përmes programit COVAX të Organizatës Botërore të Shëndetësisë, që ka për qëllim shpërndarjen e vaksinave në vendet e varfra.
Dy javë më parë, Kosova po ashtu ka pranuar 38.400 doza të vaksinës nga COVAX-i si dhe 15.000 doza të tjera, donacion nga Bashkimi Evropian.
Aktualisht po vazhdon faza e dytë e procesit të imunizimit, ku janë duke u vaksinuar grupmosha 65-79 vjeç.
Autoritetet në Kosovë kanë thënë se kanë për synim që deri në fund të vitit të vaksinojnë 60 për qind të popullatës
