Babai 15-vjeçares së përdhunuar nga roja i shkollës, Abas Doga, ka rrëfyer në emisionin “Me Zemër të Hapur” detaje të reja nga ngjarja e rëndë që ka shokuar opinionin publik.
Sipas tij, “këto shenjat e vogla i kam vënë re që para një viti, para se të shkruhej emri në muret e lagjes”. Megjithatë thekson që “mendova se ishte vetëm një ngacmim”.
Madje tha se e bija ka tentuar edhe vetëvrasjen e ndikuar nga gjendja e rëndë psikologjike.
“Ai e ruante vajzën dhe unë desha ta kap, por kur i afrohesha, ikte shmangej. Këto shenjat e vogla i kam vënë re që para një viti, para se të shkruhej emri në muret e lagjes. Po mendova se ishte vetëm një ngacmim. Shkova tek drejtori i shkollës dhe i thash merrni masa se po më ngacmon vajzën, ai më tha nuk e lemë të futet brenda, më tha do t’i flas unë. Thirri vajzën dhe vajza i tha që e ngacmomnte, edhe djali i vet tha do t’i flas unë. Tani në fund e mora vesh që ata e kanë larguar nga shtëpia. Nuk ka pasur asistencë deri dje nga psikologët, kanë shkuar dje në orën 15:00. Më parë nuk kanë ardhur asnjëherë. Në momentin që djali më tha për foto dhe videot, e pashë atë me biçikletë dhe desha ta godisja, Kjo ndodhi para një jave, por ai iku, ndërsa djali i vet më tha mos u merr me atë, çoje në burg. Vajzës para një jave i kapa ilaçet e tensionit që i përdorja unë, i mori dhe deshi t’i pinte“.
“Nuk i kam parë videot, se më vinte zor. I kishte djali në telefon”, tha babai i 15-vjeçares.
g.kosovari
