Joseph Schooling ka fituar medaljen e artë në 100 metra flutur, duke mposhtur legjendën Michael Phelps. Notari i Singaporit, Joseph Schooling ka hyrë në histori si sportisti i parë që fiton medalje të Artë për vendin e tij dhe atë kundër legjendës Michale Phelps.
Por, sot në media është bërë ironi me një vajzë, e cila tregon se në muajin prill të këtij viti ka marrë një mesazh në rrjetin social Tinder nga Joseph. Ai e ka përshëndetur duke dashur që ta njihte më tepër, por vajza nuk ia ka varur. Sot pas disa muajsh kur ai është një nder njerëzit më të famshëm për shkak të fitores ndaj Michale Phelps, vajza është penduar.
“Takimi im në Tinder ka fituar në 100 metra flutur dhe ka mundur Michael Phelps dhe kjo është arritja ime më e madhe dhe nuk i ktheva mesazhin dhe ky është dështimi im më i madh”, ka shkruajtur Sab.
Në Facebook kanë shpërthyer komentet duke e ofenduar rëndë vajzën, ata thonë se ajo përfaqëson të gjitha vajzat e sotme, pasi janë materialiste dhe e vlerësojnë një djalë nga fama dhe leku.
Madje shumë djem kanë treguar rastet kur në Facebook janë njohur me vajza dhe në momentin që ato zbulonin se nuk kishin lekë, i linin dhe largoheshin, ndaj ata ndjejnë neveri ndaj femrave të sotme./joq/a.k
