Zakonisht, kur njerëzit janë të përfshirë në aksidente, gjëja e parë që mendojnë është që të shpëtojnë dhe të mos lëndohen shumë. Por për një vajzë nga Kina nuk qenka kështu, pasi kur ajo ka pësuar një aksident ka bërë menjëherë një “selfie” dhe e ka publikuar në rrjetet sociale.
“People’s Daily Online” shkruan se ngjarja ka ndodhur më 18 maj, por fotoja është publikuar nga mediet ditën e sotme. Dëshmitarët që e shikuan skenën e aksidentit menduan se ajo ishte duke marrë në celular të afërmit e saj. Më pas ata vunë re se ajo po qëndronte e shtirë në tokë dhe po bënte një “selfie”.
Sipas medieve kineze, dhe pasi policia arriti në vendin e aksidentit, ajo nuk e lëshoi për asnjë momentin celularin e saj, duke e përdorur vazhdimisht ashtu e shtrirë në tokë.
Ajo ishte duke udhëtuar me skuter, kur një veturë e goditi atë. Fotografitë e këtij momenti u bënë shumë shpejt hit në rrjetet sociale.
ma.me
