Një azilkërkues 22-vjeçar nga Kosova dyshohet se ka tentuar të përdhunojë një 22-vjeçare në Gjermani. Ngjarja ka ndodhur një natë para Krishtlindjeve, ka raportuar të enjten prokuroria dhe policia gjermane.
Policia gjermane është ende duke e hetuar rastin.
Sipas mediave gjermane, ngjarja ka ndodhur kur gruaja e re ishte duke ecur në “Lange Strasse” rreth orës 2:30 të mëngjesit, e cila më pas ka vënë re se njeriu i dyshuar ishte duke ecur pas saj dhe më pas po e ndiqte atë.
Ajo ka njoftuar vëllanë e saj nëpërmjet telefonit ndërsa papritmas i dyshuari ka sulmuar gruan dhe ka ushtruar presion ndaj saj, duke e goditur atë në fytyrë, raporton schëarzëaelder-bote.de.
Pas goditjeve që kishte marrë, viktima ka treguar se kishte rënë në tokë.
Por i akuzuari nuk u ndal. Sipas saj, ai është përpjekur t’i heqë pantallonat asaj.
Për fat, vëllai 25-vjeçar i ‘viktimës’ dhe miqtë e tij kanë shkuar për të ndihmuar atë.
Zyrtarët e policisë të qytetit Nagold, të cilët ishin informuar më parë, mundën ta arrestonin të dyshuarin.
Me kërkesë të zyrës së prokurorit publik Tübingen, 22-vjeçari është paraqitur pranë gjykatës ndaj të cilit ishte nxjerrë një urdhër arresti./a.m.
