Të tjera detaje kanë dalë mbi masakrën e ndodhur në Klos, ku humbën jetën 3 persona dhe u plagosën dy të tjerë.
Ka qenë gazetarja Anila Ahmataj, e cila duke folur për News 24, ka treguar se autori Fiqiri Mjeshtri kishte në pistoletën e tij vetëm një plumb, me të cilin vrau edhe veten.
Ahmetaj thotë se ka qenë dëshmia e të afërmve të familjes së autorit, që e ka bërë të ditur diçka të tillë, çka sipas saj, ka hedhur dyshime se vrasja e Kenado Shirës dhe babait të tij mund të ketë qenë e planifikuar që më herët.
Gazetarja bëri me dije gjithashtu se vajza 15-vjeçare ndodhet në banesën e familjes në gjendje të rënduar psikologjike, ndërsa i plagosuri Renato Hasula ndodhet në gjendje të rëndë në spital./m.j
