Gjykata e Vlorës ka caktuar masën ‘arrest me burg’ për Fatosh Myslymin dhe ‘arrest shtëpie’ për dy vëllezërit e tij Elmaz dhe Myslim Myslymin, pasi akuzohet se dhunuar gjyqtarin Arqile Basho.
Ndërkohë familjarët prej 2 orësh kanë pritur para Gjykatës dhe kanë shpërthyer pasi u njohën me vendimin e Gjykatës. Sipas familjarëve në burg nuk duhet të ishin vëllezërit Myslimi, pronarët e tokës, por administratorët e pallatit të ndërtuar në pronën e tyre, noterët dhe Gjykata.
Bëhet fjalë për apartamente në pallatin e ngritur nga 2 firma ndërtimi në tokën e Myslymëve, të cilat sipas familjarëve janë shitur 2 herë.
Vajza e një prej vëllezërve, Greiselda Myslymi, ish-kandidate e LSI-së për Vlorën, tha se gjatë gjykimit ka pasur shtrembërim të fakteve, pasi është ngatërruar me qëllim personi që duhet të qëndronte në burg. Sipas saj, është lënë në burg Fatosh Myslymi, dhe jo Elmaz Mylsymi që ka prekur gjyqtarin.
Më tej ajo tha se jam e gatshme që kjo çështje të ndiqet nga SPAK, dhe se mendon se gjyqtari është duke bërë korrupsion.
‘Sapo ka përfunduar seanca gjyqësore pasi u është rrëmbyer prona nga na e gjyqtarit Arqile Basho. Gjatë gjykimit ka pasur shtrembërim të fakteve. Është ngatërruar personi që duhet të qëndronte në burg. Elmaz Myslimi është personi që ka prekur gjyqtarin dhe kanë mbajtur gabimisht Fatos Mylsimin që nuk e ka prekur fare me dore. Elmaz Myslimi ka pasur rasport mjekësor.
Jam vajza e një prej vëllezërve të arrestuar, problematika jonë fillon nga 2010, ku kemi lidhur kontrata me dy kompani, pronari i njërës prej tyre është këshilltar bashkiak, dhe ka mbajtur poste drejtuese në Vlorë.
Problematika jonë nuk lidhet vetëm me pronën në fjalë, pronat janë shitur në disa pronarë të ndryshëm, prej vitesh jemi endur nëpër gjyqe, në 2019 Gjykata e Apelit na ka dhënë të drejtë, zoti Basho ka dalë mbi vendimin e apelit, duke i dhënë të drejtë këtyre kompanive.
Jam e gatshme që kjo çështje të ndiqet nga SPAK, unë mendoj se gjyqtari është duke bërë korrupsion, ne kemi qenë pronar të truallit, firma nuk ka si mund të shesë hyrjet tona, që janë të caktuara në kontratë. Ky është rast flagrant i korrupsionit që është bërë nga ky gjyqtar”- u shpreh ajo.
Ndërkaq 3 vëllezërit Myslimaj janë arrestuar 2 ditë më parë, pasi ushtruan dhunë verbale ndaj gjyqtarit të Gjykatës së rrethit gjyqësor Vlorë Arqile Basho,pas vendimit për çështjen Myslimi që kaluar një kalvar gjyqesh./m.j
