Modelja dhe aktorja e njohur, Nertila Kapaj është shoqëruar pasditen e sotme në Komisariat bashkë me biznesmenin e njohur nga Durrësi, Dashamir Gjokën. Burime të Dosja.al bënë me dije se Kapaj ka qënë duke udhëtuar me makinën e saj tip “X6”, por ende nuk dihet lidhja e saj me Gjokën dhe arsyeja e shoqërimit të saj.
Po kush është Nertila Kapaj?
Kapaj është e njohur për lidhjen e saj me shokun e reperit Stresi, Jetnis Dollapi, i cili ndërroi jetë në vitin 2016 pas një aksidenti me motor. Ajo njihet edhe si “vajza e 500 trëndafilave”, dhurata që i bënte shpesh i dashuri i ndjerë, Jetnis Dollapi pasi para Luanës (gjithashtu e njohur për marrjen e luleve) ato ishin dhurata karakteristike që i bënte i dashuri i ndjerë.
Nertila ka ditur si ta shfrytëzojë famën e saj duke marrë pjesë edhe në serioan “Ti mund të më quash Xhon”, ku luante rolin e të dashurës së Arben Derhemit (bos droge në film). Nëpër intervistat e dhëna asokohë, Nertila tregonte se nuk i ishte dashur që të aktronte si të tjerët, pasi në jetë i ka përjetuar këto situata realisht.
“Unë në jetën reale shoqërohesha nga bodyguard-ë dhe shërbëtorë, pra, vetë jeta ime ka qenë një film,”-tregonte Kapaj.
Përveçse aktore dhe modele, Nertila Kapaj është përfshirë edhe në botën e biznesit për të cilën shprehej se ishte shumë e vështirë.
“Të drejtosh një biznes në Shqipëri është shumë e vështirë. Ke përgjegjësi të madhe, sidomos kur ke shumë bërryla që mundohen të të fundosin.”
Megjithatë edhe pse e vështirë paska qënë një punë që i ka dhënë shumë përfitime, aq sa për të bërë një jetë luksoze.
“Jeta ime është ndërtuar për të qenë luksoze dhe nuk arrij dot kurrë të bëj një bilanc për shpenzimet, sepse janë shumë. Nuk bëj kurrë llogari, sepse më shumë do më lodhnin dhe prapë aq shumë do të ishin gjithsesi,”-shprehej Nertila.
Sa i përket shijes për gjininë e kundërt, Nertila shprehej: Më pëlqejnë djemtë e këqij, në kuptimin e mirë të fjalës. Unë e dua mashkullin shumë burrëror, që sot janë të rrallë.
Pas disa kohësh jashtë vëmendjes së mediave, Nertila Kapaj rikthehet në skenë…Presim ende për arsyet!
g.kosovari
