Një vajzë nga Oklahoma, 15 vjeçe, vdiq nga një mbidozë ilaçesh pasi bëri një ‘sfidë virale’ në TikTok.
Adoleshentët marrin sasi të mëdha të ilaçeve, përmes kësaj loje vrasëtare.
Chloe Marie Phillips, nga Blanchard i SHBA, vdiq në orët e para të mëngjesit të 21 gushtit.
Ajo vdiq pasi piu mbidozë kundër alergjisë “Benadryl”.
“Kjo duhet të ndalet”, shkroi pas ngjarjes tragjike Janette Sissy Leasure, halla e madhe e Chloe, teksa e tëra familja e vajzës është tronditur.
Loja e rrezikshme e TikTok është bërë modë, teksa adoleshentët inkurajojnë njëri-tjetrin për të marrë dhe pirë shumë si sfidë mes tyre.
Në maj, ne Texas, tre adoleshentë u shtruan në spital për të njëjtën arsye.
Benadryl është emri i markës së ilaçit difenhidraminë që jepet pa recetë.
Mbidoza e lartë mund të çojë në sulm në zemër, goditje në tru, kriza, dëmtim të trurit dhe vdekje.
Janette Sissy Leasure, halla e madhe e Chloe, postoi një mesazh tani të fshirë në Facebook, duke u kërkuar familjeve të jenë në gatishmëri për fëmijët që marrin pjesë në ‘sfidën Benadryl’ dhe lojërat e rrezikshme në Internet.
“Kjo duhet të ndalohet nga fëmijët tanë,’ – shkroi ajo në Facebook. Postimi i saj u raportua nga The Sun.
“Mos lejoni të zgjasë më shumë kjo lojë dhe të humbin jetën fëmijët … Unë nuk dua të shoh ndonjë familje të kalojë atë që që po kalojmë ne tani,” – shkroi ajo.
Policia shqiptare e ngriti shqetësimin e rrezikut të kësaj loje pak kohë më parë, por tha se ende nuk ka raste të konfirmuara, si shqetësuese, në vendin tonë.
/a.r
