Një vajzë 10-vjeçare mbeti shtatzënë pasi përdhunimeve të përsëritura nga xhaxhai i saj. Ngjarja tronditëse vjen nga Brazili, ku i dyshuari për abuzimet është arrestuar.
Por në vend kanë nisur polemika të shumta, pasi mjekët refuzojnë abortin e së miturës, e cila ndodhet në muajin e pestë të shtatzënisë.
Vajza e cila jeton në Sao Mateus, në shtetin e Espirito Sant, mbërriti gjatë javës së kaluar në spitalin e Recife, me dhimbje të forta barku, teksa ishte përdhunuar në javën e 22-të të shtatzënisë.
Ligji brazilian parashikon ndërprerjen vullnetare të shtatzënisë, vetëm në rast abuzimi seksual ose kur sjell rreziqe të mëdha për shëndetin e nënës dhe të fetusit.
Pas debateve Gjykata e Drejtësisë në Brazil, vendosi që të jetë vogëlushja me vullnetin e saj që të vendosë, duke e transferuar në një spital tjetër për të kryer abortin.
Por kjo gjë shkaktoi edhe më shumë reagime, për shkak të moshës së të miturës.
Mjeku i cili kreu abortin këtë fillim javë, akuzohet nga aktivistë të shumtë si vrasës, ndërkohë që aktualisht vajza ndodhet në gjendje të mirë shëndetësore.
Spitali deklaroi se operacioni u realizua në mënyrë të tillë, që e mitura të kishte sa më pak vuajtje.
