Vaji kanabis i cili përdoret për qëllime mjekësore nga e hëna mund të blihet në barnatoret e Maqedonisë, por vetëm me udhëzim nga mjeku. Agjencia e Maqedonisë për barna dhe elemente mjekësore ka miratuar çmimin e dy vajrave të reja nga kanabisi.
Kanobil Kanc 300 dhe Kanobil Kanc 600, i cili u propozua nga prodhuesi Replekfarm, tashmë ka filluar shpërndarjen nëpër barnatore. Vaji më i dobët, Kanobil Kanc 300 do të shitet me çmimin e 5.544 denarë (90,70 euro), dhe Kanobil Kanc 600 me një çmim prej 9.240 denarë, respektivisht 151 euro.
Një produkt përmban 300 miligram THC + 300 mg CBD në paketat e 120 ml, ndërsa tjetri ka 600 mg THC + 600 mg CBD në paketat e 240 ml. Përdorimi i këtyre vajrave kërkon udhëzim nga mjeku dhe është miratuar për katër sëmundjet: kancer, sklerozë të shumëfishtë, SIDA dhe epilepsi.
