Prej më shumë se 20 vitesh banorët e fshatit Uznovë në Berat rrezikohen nga epidemia. Shkak është bërë shndërrimi i përroit në një vend ku derdhen ujrat e zeza dhe ku depozitohen mbetjet e ndryshme urbane.
Lidhur me këtë shqetësim banoret shprehen për ReportTV se era e keqe i shoqëron gjatë gjithë ditës dhe i frikësohen dhe përhapjeve të epidemive të ndryshme, të cilat favorizohen nga temperaturat e larta të verës.
Problem tjetër për banorët mbetet rruga e cila është e pashtruar dhe përbën rrezik për kalimtarët dhe drejtuesit e automjeteve. Banoret janë drejtuar edhe pranë institucioneve përgjegjëse për zgjidhjen e këtij problemi, por duket se premtimet kanë qenë të shumta pasi situata vazhdon e njëjtë./l.m
