Rektorati i Universitetit të Tiranës ka bërë me dije ndryshimin e procedurave për tu pajisur me dokumente shkollore, për të gjithë studentët, që tanimë do të kryhen pranë Drejtorisë së Komunikimit/Rektorat i UT-së dhe jo më në fakultetet përkatëse.
Procedura e pajisjes dhe konfirmimit të dokumenteve për studentët do të kryhet brenda 10 ditëve. Sa u përket tarifave, ato variojnë nga 200 lekë, e cila është pagesa për një vërtetim studenti, deri në 3 mijë lekë, e cila është pagesa më lartë për një program mësimor në gjuhën angleze.
Kryesisht, programet mësimore u duhen studentëve që dëshirojnë të vijojnë një cikël studimesh më të lartë në universitete të huaja jashtë vendit, si dhe për ata që aplikojnë për bursa apo transferime studimesh jashtë. /r.a
