Shndërrimi i Forcës së Sigurisë së Kosovës në Forca të Armatosur ta Kosovës do të trajtohet në fund të muajit nëntor. Të paktën kështu është parashikuar në Planin Legjislativ të Qeverisë për këtë vit. Në bazë të këtij plani, më 30 nëntor, do të trajtohet Projektligji për plotësimin dhe ndryshimin e ligjeve që kanë të bëjnë me Forcat e Armatosura të Kosovës. Përfaqësuesit e opozitës dhe ekspertët e çështjeve të sigurisë thonë se Kosovës tashmë është vonuar për formimin e ushtrisë. Sipas tyre, kjo çështje po shtyhet si pasojë e neglizhencës së Qeverisë.
Gazeta “Zëri” ka kërkuar sqarime rreth kësaj çështjeje nga Qeveria e Kosovës, megjithatë kjo e fundit nuk ka dhënë asnjë përgjigje për këtë çështje.
