Forcat irakiane kanë rimarrë kontrollin në disa zona përreth lumit Tigër, ndërkohë që kanë arritur të përparojnë më tej kundër Shtetit Islamik në qytetin verior të Mosulit, deklaroi sot një zyrtar i lartë ushtarak.
“Forcat kanë marrë kontrollin e lagjeve të banimit të zonave përreth lumit, përfshirë Domezin, al-Mazarin dhe Sumerin si dhe aktualisht forcat po përfshijnë zonat e militantëve”, tha gjeneralmajor Maan al-Saadi.
“Trupat po avancojnë gjithashtu drejt zonave veriore nga ana e lumit”, shtoi ai.
Forcat irakiane, të mbështetura nga forcat ajrore të udhëhequr nga Shtetet e Bashkuara të Amerikës, po avancojnë me fushatën e nisur në mes të muajit tetor për të rimarrë Mosulin, qytetin e dytë më të madh të Irakut, që ka qenë nën kontrollin e Shtetit Islamik që nga mesi i vitit 2014./a.m.
