Autoritetet amerikane kanë raportuar gjetjen e mbetjeve të avionit luftarak F-35, i raportuar i zhdukur pas një përplasjeje mbi qiellin e Karolinës së Jugut.
Avioni u zhduk mbi qytetin e Charleston të dielën pasdite pasi piloti aktivizoi parashutën dhe pasi u gjet nga ekipet e emergjencës u dërgua në një spital të zonës.
Sakaq, mbetjet e avionit luftarak u gjetën në një zonë rurale të kontesë Williamsburg dhe pas zbulimit të tyre banorëve iu kërkua të shmangin zonën ndërsa ekipet e ushtrisë punojnë në zonë.
Aksidenti ndodhi rreth orës 14:00 (me orën lokale) të së dielës, kur piloti, me shumë gjasa që kishte humbur kontrollin e F-35B, u detyrua të braktiste avionin dhe të hidhej me parashutë në tokë. Ai arriti të ulej pa probleme në një zonë pranë Charleston-it të Veriut, Karolina e Jugut.
Supozohet se ajo që e bëri veçanërisht të vështirë gjetjen e F-35 ishte vetë teknologjia me të cilën është pajisur, pasi aftësi stealth e bën të vështirë gjurmimin me radar të tij./f.s
