Një ushtar rus i kapur nga trupa ukrainase foli për mizoritë në ushtrinë e tij, ku oficerët vrasin ushtarët e tyre të plagosur.
Ndër të tjera sipas tij, ata lënë pas të vdekurit në fushën e betejës dhe nuk i njoftojnë të afërmit e tyre.
Kjo u raportua nga qendra e shtypit e Shërbimit të Sigurisë të Ukrainës (SBU).
“Ne u dërguam drejt vdekjes. Nuk marrin as 200! Të plagosurit i vrasin vetë! Ka kaluar një javë dhe askush nuk ka marrë as funeral”, tha i burgosuri.
SBU-ja vuri në dukje se ky “ushtar” ishte më me fat se të tjerët – ai u kap në Ukrainë.
“Pushtuesi qan dhe i kërkon të ëmës që të kontaktojë Unionin e Nënave të Rusisë, shpreson për një shkëmbim. Ushtari gjithashtu ka frikë për fatin e të afërmve të tij, kështu që ai kërkon të mos tregojë të gjithë të vërtetën për luftën në Ukrainë, për të mos rënë nën represionin e shërbimeve speciale ruse”, shtoi SBU-ja në publikimin e tyre./m.j
