Në një lagje të qetë, rurale rreth 70 km në perëndim të Kievit, BBC ka folur me Anën, e cila është 50 vjeçe. Në artikullin e prestigjiozes, asaj i është ndryshuar emri për t’i mbrojtur identitetin.
Ana tha se më 7 Mars kishte qenë në shtëpi me bashkëshortin e saj kur hyri një ushtar i huaj.
“Në kërcënimin e armës më çoi në një shtëpi aty pranë. Më urdhëroi: Hiqi rrobat ose të qëlloj. Ai vazhdoi të më kërcënonte se do të më vriste nëse nuk bëja siç thoshte ai. Më pas filloi të më përdhunonte. Më pas hynë dhe katër ushtarë të tjerë. Por ata e morën atë dhe nuk e pashë më”, tha ajo.
Ajo beson se u shpëtua nga një njësi e veçantë e ushtarëve rusë. Ana tregon se pastaj u kthye në shtëpi dhe gjeti burrin e saj të pajetë. Ai ishte qëlluar në bark.
“Ai kishte tentuar të vraponte pas meje për të më shpëtuar, por u godit nga një plumb. Të dy kërkuan strehim në shtëpinë e një fqinji. Ata nuk mund ta çonin burrin e saj në spital për shkak të luftimeve. Ai vdiq nga plagët e marra dy ditë më vonë”, rrëfen ajo mes dhimbjes.
Ana nuk pushoi së qari ndërsa tregonte historinë e saj. Ajo po ashtu tregoi se ajo dhe fqinjët e saj e varrosën burrin e saj në oborrin e shtëpisë së tyre. Një kryq i gjatë prej druri qëndron në krye të varrit. Anna tha se është në kontakt me spitalin lokal dhe po merr mbështetje psikologjike.
/a.r
