Ushqimet që nuk duhet të mungojnë në tryezën tuaj
Nëse ne duam të ushqehemi shëndetshëm ushqimi i stinës dhe prodhimi i vendit është përherë zgjedhja më e mirë. Ushqimi i shëndetshëm duhet të jetë përherë në tavolinat tuaja, nëse doni të keni një jetë normale dhe pa probleme nga ana shëndetësore. Të paktën një herë në javë këto ushqime duhet ti keni patjetër në tryezat tuaja.
Peshku/sardelet- burim i shkëlqyer i acideve lyrore omega 3 dhe proteinave. Kur konsumohen bashkë me hala janë ideale për kockat dhe muskujt.
Frutat dhe perimet e stinës- janë burim i pazevëndesueshëm i antioksidantëve, fibrave dhe vitaminave.
Fasulet- burim i shkëlqyer i energjisë dhe proteinave, i fibrave dhe mineraleve. Ndihmojnë në parandalimin e hipertensionit, diabetit, mbipeshës dhe kancerit të zorrës së trashë. Vezët e freskëta- burim ideal i proteinave, fosfolipideve, omega 3 dhe antioksiantëve
Lëng mishi- lëngu i kockave të mishit i bërë në shtëpi është i pasur në minerale kyç për imunitetin, forcon kockat, kuron aparatin tretës dhe lufton infeksionet.
Turshitë- ideale për shëndetin e aparatit tretës por, kujdes me kripën. Përpiquni ti shpërlani dhe ti evitoni nëse jeni me hipertension.
