Ushqimet pikante, ideale për jetëgjatësinë
Sipas studimeve të kohëve të fundit është theksuar se ushqimet pikante dhe me erëza reduktojnë rrezikun e vdekjes nga sëmundje të ndryshme, kjo është konstatuar në bazë të disa të dhënave nga analiza e më shumë se 485.000 njerëzve.
Pjesëmarrësit ishin regjistrar në 2004 dhe 2008 në disa studime mjekësore kineze. Hulumtuesit zbuluan se në një hark kohor prej 7 vjetësh kishte pasur 20.224 të vdekur.
Pas kontrolleve për historitë familjare, moshën, arsimin, diabetin, pirjen e duhanit dhe shumë faktorëve të tjerë, studiuesit konstatuan se nëse hani ushqime pikante, kryesisht spec djegës 12 herë në javë, rreziku për vdekje do të reduktohet në 10%. Konsumimi i ushqimeve me erëza pikante 56 herë në javë e reduktonte këtë rrezik në 14%.
Normat e sëmundjeve ishemike të zemrës, sëmundjet respiratore dhe kanceret reduktohen ndjeshëm nëse hani ushqime pikante. Studiuesit shpjeguan se nuk ka konkluzione rreth shkakut dhe pasojës, por vuri në dukje se kapsaicina, përbërësi kryesor në specat djegës ka efekte antioksidante dhe antiinflamatore.
