“Dua një përqafim”. Ky është mesazhi i parë që Aida i jep ish-shefes së saj, Violetës kur e sheh në ekranin e rubrikës “Ka Një Mesazh Për Ty”. Shpërngulja e Violetës në Angli i ka lënë Aidës një boshllëk të madh, por po ashtu i kujton kohën dhe vështirësitë me të cilat u përball kur u zhvendos nga Mallakastra në Tiranë. Asokohe, siç rrëfeu më herët në programin “E diela shqiptare” në Tv Klan, ishte Violeta ajo që i ndenji pranë si një mike, jo si shef,e ndaj ajo ndien se tashmë ka radhën për t’i shprehur mirënjohjen dhe mbështetjen e saj.
Aida: Zemër, ti e di se si ka qenë marrëdhënia jonë dhe të dyja e dimë që kjo gjë nuk do të kishte ndodhur nëse ti do të ishe prapë te pozicioni që ishe sepse duket sikur ishte diçka e bërë për interes. Por faktikisht, ne të dyja e dimë se marrëdhënia jonë nuk është marrëdhënie interesi. Do të doja shumë në radhë të parë të të uroja ta bëftë Zoti mbarë ashtu siç ke zemrën ti.
Violeta: Faleminderit.
Aida: Brenda meje, do doja që ti të ishe këtu, por unë e di që ne nënat sidomos, bëjmë sakrifica mbi…
Ardit Gjebrea: Thuaje, mbi bashkëshortët, të dyja e thatë në njëfarë mënyre.
Aida: Dhe shpresoj që atje ku ke shkuar, unë e di që ti do t’ia kalosh mirë, sepse ti je një njeri i mirë dhe shpresoj të gjesh një njeri ashtu siç të gjeta unë ty kur erdha te puna.
Ardit Gjebrea: E ka gjetur, e dëgjove, ka gjetur dy, jo një.
Aida: Shpresoj të gjesh vërtet një mike siç unë të gjeta ty. Falenderoj Zotin se ndonjëherë Zoti vërtet të sjell njerëz pranë vetes që të duket sikur i ke njohur një jetë.
Violeta: Faleminderit shumë, nuk kam fjalë, nuk do e besoja sepse në institucione zakonisht nuk e duan eprorin, sidomos kur eprori iu rri mbi kokë sepse i kontrollon.
Aida: Të duan të gjithë.. Nëse unë do të kisha thënë tek puna, të gjitha do kishin ardhur sepse të gjitha të duan.
Violeta: Të falënderoj, nuk e vë në dyshim përderisa më shkruani, keni qarë për mua, jo të gjithë qajnë për eprorin, faleminderit shumë.
Aida: Je shumë e mirë.
/a.r
