Rivendosja e regullit dhe ligjshmërisë në qytet mbetet një nga detyrat kryesore të Bashkisë. Kështu krahas punëve të përditshme që kanë të bëjnë me punët publike, e kryerjen e detyrave të përditshme, Bashkia po vijon edhe zbatimin e masave për të ruajtur një ambient të pastër. Policia Bashkiake ka ndjekur sërisht zbatimin e ligjit në qytet dhe ka ndëshkruar disa qytetarë të tjerë të cilët sërisht nuk i janë bindur thirrjeve dhe forcimit të masave penalizuese të ndërmara nga Bashkia disa ditë më parë.
Qytetarët duke sfiduar ligjin, janë gjobitur me shuma të konsiderueshme për shkak se në disa raste kanë urinuar në ambientet publike dhe në disa raste të tjera kanë ndotur ambientin duke hedhur mbeturina. Po ashtu paralelisht me këtë, Policia Bashkiake ka vijuar edhe me rikthimin e hapësirave publike të zëna forcërisht, si rrugë, trotuare apo edhe lulishte.
