Akti i rëndë i urinimit mbi kokën e një adoleshenti në Mullet ka qenë për shkak se ai kishte ngacmuar motrën e agresorit. Kjo është përligjja që është bërë për ngjarjen tronditëse, për të cilën po heton edhe policia.
Dikush e ka bërë të ditur arsyen në faqen e Olti Currit, duke i dhënë detaje.
Nga fjalët e shkruara kuptohet që personi që i ka urinuar në kokë duhet të jetë ndonjë “i fortë” i zonës: “viktima kur e di se me kë ka të bëjë”, por pa bërë të ditur se kush ishte.
“Prsh Olti! Të kujtohet videoja që bëri bujë para pak kohësh (djemtë që e poshtëruan atë djalin) Pata komentuar në atë video duke mbrojtur viktimën dhe kundërshtuar dhunën, dhe një nga personat e videos, më shkruajti dhe më shpjegoi si dhe pse kishte ndodhur.
Tani viktima, kur e di se me kë kishte të bëjë?? Dhe kur e di sa e shtrenjtë është motra, femra në familjet shqiptare, përse i ngacmo?? Askush nuk duhet të cënohet në familje, dhe kur do e kuptojnë ca djem që motra e tjetrit nuk ngacmohet, se pasojat mund të jenë fatale. (Jam kundra atij gjesti dhe dhunës, thjesht fenomenit, djem boll ngacmuat vajzat. Kur një femër se njeh dhe të thotë jo, lëreni të qetë, ka femra sa te duash)”, është shpjegimi i ngjarjes.
