Presidenti i Republikës, Ilir Meta, ka zgjedhur një tjetër formë urimi për shqiptarët me rastin e Vitit të Ri.
Ndryshe nga protokolli i përvitshëm, Meta nuk ka preferuar të japë një mesazh përmes ekranit. Në rrjetin social Facebook, presidenti ka postuar dy fotografi nga ambientet e QSUT.
Ai shprehet se ndodhet pranë një vogëlusheje të shtruar në spital, ndërsa përgëzon edhe personelin mjekësor.
“Përmes kësaj foto me Amelian, vogëlushen nga Fieri që do e presë Vitin e Ri këtu në QSUT, ju uroj të gjithë fëmijëve me probleme të shëndetit: “Gëzuar Vitin e ri 2018”!
Më shumë kurajo e shpresë, kujdes e solidaritet, për një shëndet më të mirë e për më shumë gëzime e lumturi në familjet e tyre!
Shumë urime edhe për të gjithë personelin mjekësor që sot e presin ndërrimin e viteve larg familjeve të tyre të shtrenjta, por pranë fëmijëve dhe qytetarëve që kanë nevojë për kujdes e solidaritet sot” – shkruan Presidenti i Republikës, Ilir Meta. /JavaNews/b.d
