Urgjencat Mjekësore kanë ndërmarrë një tur trajnimesh për stafet mjekësore dhe pushuesit mbi ndihmën e shpejtë. Ndalesa e parë ka qenë në plazhin e Zvërnecit ku numri i pushuesve që morën pjesë në trajnim ishte shumë i lartë.
Numri i lartë i personave që kanë ndërruar jetë si pasojë e mbytjeve në det, ka nxitur Urgjencat Mjekësore që të ndërmarrin një fushatë trajnimesh për stafet mjekësore por edhe pushuesit.
Ndalesa e parë ka qenë në Zvërnec ku janë zhvilluar disa ore trajnime mbi ndihmën e shpejtë që duhet t`i jepet dikujt që rrezikon mbytjen në det.
Kreu i Urgjencave Mjekësore Skënder Brataj theksoi rëndësinë e këtij trajnimi.
“Janë teknika të thjeshta, në radhë të parë mos të mbytet kushshkon të japë ndihmë dhe në radhë të dytë kur dalim në breg sesi mund ti japim ndihmën e parë një personi, që është shumë e thjeshtë të bëhen dy manovra të një qytetari, nuk është e thënë të jetë personel mjekësor. Instikti i dhënies së ndihmës është të futesh në det dhe të shpëtosh dike që është në nevojë. Por vetëm mënyra sesi i afrohemi tek i mbyturi shumë herë dhe sic e keni vënë re viktimë ngelet kush është futur për të dhënë ndihmë, siç ndodhi pak ditë më parë në Zvërnec”, u shpreh ai.
Trajnimit i janë përgjigjur pozitivisht shumë pushues, ndërsa me herët ne Vlore janë trajnuar forcat e policisë dhe stafi bashkisë. Ndërsa sesionet në plazh do të vijojnë në Himarë e Sarandë por edhe në Durrës, Lezhë e Shkodër. /b.d
