Zyra e ish-presidenti amerikan, Barack Obama, të hënën ka lëshuar një deklaratë në mbështetje të protestave që kanë pushtuar Amerikën, dhe ka dalë kundër diskriminimit ndaj individëve për shkak të besimit apo religjionit të tyre, duke thënë se “vlerat amerikane janë në rrezik”.
Kevin Leëis, zëdhënës i Obamas post-presidencës, ka thënë se Obama “është prekur nga niveli i angazhimit që po ndodh në komunitete nëpër tërë vendin”, raporton “Politico”.
“Qytetarë që ushtrojnë të drejtën e tyre kushtetuese për t’u mbledh, për t’u organizuar dhe për ta ngritur zërin përmes zyrtarëve të tyre të zgjedhur është ajo që presim të shohim kur vlerat tona amerikane janë në rrezik”, ka thënë Leëis në emër të Obamas, transmeton Koha.net.
Leëis theksoi komentet e kaluara të Obamas kundër ndalesës ndaj myslimanëve, por foli vetëm në mënyrë indirekte për urdhrin ekzekutiv të Trumpit.
“Duke iu referuar krahasimeve ndaj vendimeve të presidentit Obama në politikën e jashtme, siç kemi dëgjuar më parë, presidenti në thelb nuk pajtohet me nocionin e diskriminimit kundër individëve për shkak të besimit apo religjionit të tyre”, tha Leëis.
Kjo është deklarata e parë e Obamas që kur është larguar nga Shtëpia e Bardhë. (b.an)
