Diktatori i Koresë së Veriut, Kim Jong-un, po ndryshon modën për t’u dhënë fëmijëve emrat që prindërit duan. Ai lëshoi një urdhër që këto emra të zëvendësohen me emra më patriotikë si Chong Il (armë), Chung Sim (besnikëri). Pok Il (bombë) dhe Ui Song (satelit).
Emrat me mbaresa si A Ri (i dashur) So Ra (lëvozhgë e kërpudhave) dhe Su Mi (super bukuri), janë të njohura në Korenë e Jugut, por Kim ka kërkuar t’i jepet fund këtij trendi në Mbretërinë Hermite.
Qytetarët që nuk i kanë ndryshuar emrat e tyre në diçka më “revolucionare” deri në fund të këtij viti mund të përballen me gjoba, ose më keq.
Një qytetar anonim i Koresë së Veriut nga provinca verilindore e Hamgyong-ut të Veriut tha për Radio Free Asia: Banorët po ankohen se autoritetet po i detyrojnë njerëzit të ndryshojnë emrat e tyre sipas standardeve të kërkuara nga shteti. Duke filluar nga muaji i kaluar, në mbledhjen e banorëve të njësisë së vëzhgimit të lagjes janë lëshuar vazhdimisht njoftime për korrigjimin e të gjithë emrave pa bashkëtingëlloret fundore. Njerëzit me emra që nuk kanë një bashkëtingëllore përfundimtare kanë kohë deri në fund të vitit për t’i shtuar kuptime politike emrit të tyre për të përmbushur standardet revolucionare.
Disa koreano-veriorë nuk janë të kënaqur me urdhrin. Disa madje kanë guxuar të pyesin nëse mund t’u vënë fëmijëve të tyre emra që “pasqyrojnë epokën aktuale të urisë dhe shtypjes”.
Të tjerë thonë se përpjekja për të diktuar se çfarë lloj emrash u vënë prindërit fëmijëve të tyre është një shenjë se “tirania” më në fund ka shkuar shumë larg: “Si mund të mos lejohen njerëzit të emërtojnë veten?” u ankua një qytetar i inatosur i Koresë së Veriut. “A jemi ne bagëti?”
/a.r
