Haiti ka nisur tre ditët e zisë kombëtare, pas katastrofës që shkaktoi uragani “Matthew”, i cili ka shkatërruar jugun e vendit.
Deri më tani raportohet se të paktën 900 persona kanë humbur jetën.
Mijëra shtëpi janë shkatërruar dhe 350 mijë njerëz kanë nevojë për ndihma.
Për fat të keq raportohet se disa persona kanë vdekur nga kolera dhe autoritetet ngrenë shqetësimin për përhapjen e saj.
Uragani ka shkaktuar edhe 10 viktima në brigjet juglindore të SHBA-së, shkruan shqip. “Matthew” ka shkaktuar përmbytje të mëdha, ndërprerje të energjisë si dhe ka shkatërruar ndërtesa në Florida. Georgia dhe në Karolina.
