6 viktima dhe dëme të shumta materiale ka lënë pas uragani i fuqishëm “Laura”, që goditi gjatë 24 orëve të fundit jugun e Shteteve të Bashkuara.
Dhjetëra mijëra shtëpi e biznese u shkatërruan nga erërat e forta që arritën një shpejtësi prej 241 kilometrash në orë, duke e kategorizuar uraganin në kategorinë 4, një shkallë më poshtë se rreziku maksimal.
Aq i fuqishëm ishte uragani sa shkuli me rrënjë pemët në gjithë zonën që përshkoi. Me vete solli edhe reshje të dendura shiu, që përmbytën mijëra hektarë tokë.
Uragani shkaktoi shpërthimin e flakëve të mëdha edhe në një fabrikë lëndësh kimike, por pa shkaktuar viktima e të plagosur, veçse përhapje të lëndëve të dëmshme për shëndetin në ajër.
Mbi 900 mijë shtëpi kanë mbetur pa energji elektrike, teksa vorbulla e fuqishme e ajrit i është drejtuar Teksasit.
“Laura” konsiderohet edhe më i fuqishëm se uragani “Katrina” që goditi rajonin 15 vjet më parë, që ishte i kategorisë 3 kur goditi brigjet amerikane, duke u marrë jetën rreth 1200 personave.
/a.r
