Rritet bilanci i viktimave të uraganit Irma. Mediat raportojnë për të paktën 8 viktima dhe 21 plagosur në ishullin francez të Shën Martinit në Karaibe
Shtëpi të dëmtuara dhe përmbytje masive raportohen në ishullin francëz të Shën Martinit.
Prefekti i zonës deklaroi se bilanci nuk është përfundimtar pasi ka vështirësi në komunikim ndërkohë që erërat i kalojnë 300 km në orë.
Ministri francez për Territoret Jashtë, Annick Girardin, erdhi herët në mëngjes nga Parisi në ishullin Guadalupe me mbi njëqind anëtarë të shpëtimit. Ai nuk foli për bilancin e viktimave , por deklaroi se “kemi dëmtime jashtëzakonisht të rëndësishme”.
Uragani “Irma” është i kategorisë maksimale, asaj numër 5, më i forti që ka goditur ndonjëherë Oqeanin Atlantik.
Ishujt e tjerë të goditur nga uragani i fuqishëm janë Shën Bartolomeu, Antigua dhe Barbuda, ishuj tejet të frekuentuar nga turistët.
Edhe Shtetet e Bashkuara janë vënë në alarm. Guvernatori i Floridas, shtet të cilin “Irma” pritet të godasë në ditët e ardhshme, u bëri thirrje njerëzve të largohen menjëherë.
Situata është kritike edhe në ishujt Bahamas, në ishujt britanikë Virxhin dhe në Porto Riko, ku autoritetet kanë shpallur gjendjen e emergjencës dhe disa mijëra banorë janë evakuaar.
a.ç
